biz 1 at çalyşmasy

  1. Birinji ýöňkemäniň köplügini aňladýan at çalyşmasy.

    • Biz biri-birimiz bilen sözleşýäris we pikir alyşýarys. (N. Pomma, Sebäbini soň bildim)

    • Biz gaýtjak bolup durkak, howanyň bulaşjakdygyny aňdyk. (N. Pomma, Sebäbini soň bildim)

  2. Awtor ýa gepleýän adam tarapyndan okyjylara, diňleýjilere ýüzlenilende «men» manysynda ulanylýan söz.

    • Gözel ýarym, bizi goýma armana. (Mollamurt, Saýlanan eserler)

biz 2

[bi:z]

Ak reňkli irimçik nah mata.

  • Onuň gursagyndan akan gan donuny, biz köýnegini gana bulapdyr-da gatapdyr. (B. Kerbabaýew, Aýgytly ädim)

  • Kapasada top-top bizi, Asylgydyr Hywa dony. (Çary Aşyr, Poemalar)

  • Ol tomsuna agar çäkmen, gyşyna bolsa pagtaly don geýerdi, biline ak biz guşak guşanardy. (A. Gowşudow, Mähri-Wepa)

biz 3

[bi:z]

Köwüş, ädik tikilende deşik deşmek üçin ulanylýan saplyja, ýiti uçly esbap, gural.

  • Ussanyň inçeli-ýogynly birnäçe bizi bardy.


Duş gelýän formalary
  • bizde
  • bizden
  • bizdenem
  • bizdik
  • bize
  • bizem
  • bizemi
  • bizi
  • biziň
  • biziňem
  • bizmi