bent 1

Edebiýat termini Goşguda: Sazlaşykly gelýän belli bir setirleriň toplumy, strofa.

  • Diňle bir bentden ybarat bolan «Söýgülime» diýen goşgyny okap göreliň!

Ýazuw düzgüni

Çekimlisi uzyn aýdylýandygy üçin çekimli ses bilen başlanýan goşulma ýa-da -räk goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.

Meselem bent - bendim, bendiň.

bent 2

  1. Derýalarda, kanallarda suwuň derejesini ýokary galdyrmak we bölüşdirmek üçin gurulýan gidrotehniki gurluşyk.

    • Bent gurmak üçin ýedi ýarym million riýal goýbermäge kim saňna ygtyýar berdi. (M. Ibrahimow, Ol gün geler)

  2. Böwet, päsgel, kynçylyk.

    • Siz meniň öňüme bent gurjak bolýarsyňyz. (B. Pürliýew, Ilkinji gün)

    • Duşmanlar öňünde bent almasyn, tabşyran zatlaryňy aýdyşyň ýaly ederin, gelinçäň jaýyňy abat saklaryn, bagyny har etmen -- diýip, Wepany ugradypdy. (A. Gowşudow, Mähri-Wepa)

Ýazuw düzgüni

Çekimlisi uzyn aýdylýandygy üçin çekimli ses bilen başlanýan goşulma ýa-da -räk goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.

Meselem bent - bendim, bendiň.

bent bolmak

Daňylmak, baglanmak.

  • Bent bolan zynjyrly gollar açylýar. (A. Kekilow, Saýlanan eserler)

bent etmek

Daňmak, baglamak, beklemek.

  • Gyratyň bent eder ýoluň, Garamarsyň sagy-soluň. («Görogly» eposy)

  • Bara-bara, aýajygym bent etdi, Gerdenime pelek urdy neşäni. (Mollamurt, Saýlanan eserler)


Duş gelýän formalary
  • bende
  • bendedir
  • bendi
  • bendi-de
  • bendidir
  • bendim
  • bendimde
  • bendimi
  • bendimiz
  • bendin
  • bendinde
  • bendinden
  • bendindäki
  • bendine
  • bendinem
  • bendini
  • bendiniň
  • bendiň
  • bendiňe
  • bendiňizi
  • bentde
  • bentden
  • bentdi
  • bentdir
  • bentdäki
  • bentler
  • bentler-de
  • bentlerde
  • bentlerden
  • bentlerdir
  • bentlerdäki
  • bentlere
  • bentlerem
  • bentleri
  • bentleri-de
  • bentleridir
  • bentlerinde
  • bentlerinden
  • bentlerindäki
  • bentlerine
  • bentlerini
  • bentleriniň
  • bentleriň
  • bentli
  • bentlik
  • bentsiz