böwür

  1. Bil bilen goltugyň aralygy, bykyn.

    • Mawy gözli daýhanyň ýanyda duran beýleki daýhan onuň böwrüne dürtdi. (M. Gorkiý, Ene)

  2. Bir zadyň bir burçy, gapdaly, tarapy.

    • Çaýyň ol böwründe oturan bir näçe gelin-gyz öz aralarynda jedelleşýärdi. (A. Gowşudow, Köpetdagyň eteginde)

    • Döläniň bir böwrüne zyňlyp, çalam-çaş bolup ýatan bir küti kitap onuň eline ildi. (A. Gowşudow, Mähri-Wepa)

Ýazuw düzgüni

Soňuna çekimli sese başlanýan goşulma goşulanda, ikinji bogundaky dar ü çekimlisi düşürilip ýazylýar. Menlik ýöňkemaniň -üm, -ümiz, senlik ýöňkemäniň -üň, -üňiz goşulmalary goşulýar.

Meselem böwür - böwrüm, böwrüň, böwri.

böwri bükgüldemek

Ynjalyksyzlanmak, birahatlanmak.

  • Bu ýagdaý Muhammediňde böwrüniň bükgüldisini artdyrman durmady. (N. Pomma, Sebebini Soň Bildim)

böwrüňi diňlemek

Birneme aýlanyp durmak, oýlanmak, pikirlenmek.

  • Häliden söze goşulman, böwrüňi diňläp oturan Çerkez Pökgi wala sorag berdi. (B. Kerbabaýew, Aýgytly ädim)

  • Dymdy gary, öz böwrüne diň salyp. («Sowet edebiýaty» žurnaly)


Duş gelýän formalary
  • böwre
  • böwri
  • böwrüm
  • böwrümde
  • böwrümden
  • böwrüme
  • böwrümi
  • böwrümiz
  • böwrümize
  • böwrümizi
  • böwrün
  • böwründe
  • böwründen
  • böwründäki
  • böwrüne
  • böwrüni
  • böwrüniň
  • böwrüň
  • böwrüňde
  • böwrüňden
  • böwrüňdäki
  • böwrüňe
  • böwrüňi
  • böwrüňize
  • böwürde
  • böwürden
  • böwürdi
  • böwürdäki
  • böwürlerini
  • böwürleriniň