[a:py-tupa:n]
Tozanly güýçli ýel, güýçli ýagynly harasat.
Ham hyýala gidip, turuzyp duman, Galdy apy-tupan ýeller içinde. (Nury Annagylyç, Saýlanan eserler)
Apy-tupan turaýsa, penalar ýaly ol ýerde amatly sümelge edinmek gerek. («Sowet edebiýaty» žurnaly)
Apy-tupanda çöldäki dowarlar heläk bolýarlar.
Göçme manyda Dawa, jenjel, gykylyk.
Salyh işan, Ylýas töre olaryň başyna apy-tupan salypdyr. («Sowet edebiýaty» žurnaly)
Giň derýanyň boýunda bir obajyk, Şol obada apy-tupan turýardy. (B. Kerbabaýew, Aýlar)