[a:gmak]
Dolup ýa-da joşup gyrasyndan erňeginden dökülmek, kenardan aşmak.
Iýul we awgust aýlarynda derýa kenarlaryndan agýar.
Suw ýapdan agdy.
Belli bir möhletden, wagtdan, mukdardan ötmek, geçmek.
Gün öýleden agypdy. («Mydam taýýar» gazeti)
Ol harmana baranda, gije ýarymdan agypdy. (M. Ibrahimow, Ol gün geler)
Demirçi Wakulanyň ejesiniň ýaşy kyrkdan agypdy. (N. W. Gogol, Eserler)
Iki müň goýundan-da agýan agyr sürüden her gije-gündizde azyndan 150-200 goýun guzlaýar. («Sowet edebiýaty» žurnaly)
Bir tarapa gyşarmak, düşmek, ýykylmak.
Şol wagta ýetip gelen atlylar atdan agdylar. (B. Kerbabaýew, Aýgytly ädim)
Aşmak, geçmek.
Süri gum eteginden agdy.