şert at

  1. Bir zat üçin zerur bolan ýagdaý.

    • Tebigata garşy agyr göreşde adam az-azdan öz ýaşaýyş şertini gowulandyrypdyr. (Gadymy dünýä taryhy)

    • Bu ikisi urşuň ilki başlaryndaky kyn şertleriň içinde söweşe gatnaşyp başladylar. (A. Gowşudow, Mähri-Wepa)

  2. Bir zat üçin edilen ylalaşyk, edilen wada, düzgün-tertip.

    • Olaryň gazdyrýan guýulary gurruk çyksa, biz alara hiç zat tölemeris, olaryň şerti şeýle. (A. Gowşudow, Köpetdagyň eteginde)

    • Men seniň aýdanyňa bir şert bilen razy bolup bilerin. (A. Gowşudow, Köpetdagyň eteginde)

  3. Berlen söz, edilen kasam, äht.

    • Joşgunly söýgüniň bir übtejegini hem üýtgetmän, göwnüniň altyn sandygyndan saklajagyna şert etdi. (B. Kerbabaýew, Aýsoltan)

    • Ol pullaryň bir manadyny-da öz ýüreginde şert eden zady üçin harçlap bilmedi. (A. Gowşudow, Mähri-Wepa)

  4. Bir zadyň boluş ýagdaýy, derejesi.

    • Howa şertleri.

    • Tebigy şertler.