ýumurmak işlik

1. Ýykmak, weýran etmek, aşaklygyna, iç tarapyna ýykmak, çökertmek, dargatmak, harabaçylyga öwürmek.

   • Çatma deýin süýşüp gelýän tanklaryň, Ýumurýar bar zady agyr labyry. (B. Kerbabaýew, Aýlar)

   • Dogry, öý talaňçylar hem öýüni rehimsiz talap, nebir gözel jaýlary ýumurypdyrlar. (N. Pomma, Sebäbini soň bildim)

   • Nemesler şu berkitmesini ýumurmak üçin taýýarlyk bir näçe gün mundan öň başlanypdy. (A. Gowşudow, Mähri-Wepa)

2. Göçme manyda Ýykmak, weýran etmek, agdarmak, dargatmak, ýok etmek.

   • Sen eger oňlulyk bilen görkezmeseň, edaraňy başyňa ýumuryn! (B. Kerbabaýew. Aýgytly ädim)

   • Wah, käşki meniň gargyşym onuň öýüni başyna ýumursady. (B. Kerbabaýew. Aýgytly ädim)

   • Könäni ýumurdy bu güýçli halkym. (N. Pomma, Saýlanan eserler)

   • Diňe ezijileriň häkimiýetini ýumranlarynda, azat hem şatlykly durmuş gurap biljegi hakda açyk, aýdyň gürrüň berilýärdi. (M. Ibrahimow, Ol Günler Geler)