ýumak

Sapagyň togalak edilip sapalan görnüşi.

  • Birnäçesi bolsa gülüp, eliniň aldygyndan kiçiräk ýumaklary ussa tarap zyňyp ýatyr. (A. Durdyýew, Saýlana eserler)

  • Onuň kebzesi edil ýumak goýlan ýaly tüňňerip durdy. (N. Pomma, Sebäbini soň bildim)

  • Aýnanyň ýumaklaryny bir laý elläp çykandan soň, oňa habar gatdy. (B. Kerbabaýew, Aýgytly ädim)

aşagy ýumakly ýaly

Bir zadyň üstünde jaýly oturyp bilmeýän.

  • Annaguly ýabynyň üstünde oturyp bilän, aşagy ýumakly ýaly bir gezek eýläk agyp, bir gezek beýläk agyp barýardy. (A. Durdyýew, Saýlanan eserler)

  • Gylyç Gajar ogly aşagy ýumakly ýaly gütläp ýere gaçýardy. (N. Pomma, Taýlak hyzzyn)

ýüregiň ýumagyny çöşlemek

Syryňy açmak, aýan etmek, gizlin pikiriňi ýüze çykarmak, ýüregiňdäkini aýtmak.

  • Ýüreginiň ýumagyny çöşläpdir. Uzak ýoldan enesine buşlapdyr. (B. Kerbabaýew, Aýlar)

  • Sähra howasynda zordan alýar dem, Ýüpegiň ýumagy çöşleýär kem-kem. (A. Kekilow, Söýgi)