ýumşatmak işlik

  1. Ýeňillik bilen gysylýan, basylýan etmek, çeýe, maýyşgak, süýngüç etmek.

    • Gowaçanyň seleňräk ýerleriniň düýbüni ýumşadyp ýören bir göwre onuň bilen boýdaş boldy. (B. Kerbabaýew, Aýsoltan)

    • Çarh öz ýoluny ýumşatdy. (M. Ibrahimow, Ol gün geler)

  2. Ýakymly, mylaýym etmek.

  3. Ýuwaş etmek, köşeşdirmek, peseltmek, ýeňilleşdirmek.

    • Aýlary ýumşatdy enäň nalyşy. (B. Kerbabaýew, Aýlar)

    • Ol, bir tarapdan, özünden gorkýar, bir tarapdan-da işiň üstüni örtmek, ýumşatmak isleýär. (M. Ibrahimow, Ol gün geler)

    • Süleýmanow gürrüňi ýumuşatmak niýeti bilen hoşaman söz agtarsa-da, ýa-ha tapmady, ýa-da sekretardan öňe düşmegi özüne uslyp bilmedi. (B. Kerbabaýew, Nebitdag)

Ýazuw düzgüni

Soňuna çekimli ses bilen başlanýan goşulmalar ýa-da -ýar goşulmasy goşulanda, sözüň soňundaky dymyk çekimsiz degişli açyk çekimsizine öwrülýär.

Meselem ýumşatmak - ýumşadýar, ýumşadar, ýumşadypdyr.


Duş gelýän formalary
  • ýumşadan
  • ýumşadaryn
  • ýumşadyp
  • ýumşadypdyr
  • ýumşadypdyrlar
  • ýumşadýan
  • ýumşadýar
  • ýumşadýardylar
  • ýumşadýarlar
  • ýumşatdy
  • ýumşatdygy
  • ýumşatdyk
  • ýumşatjagyna
  • ýumşatjak
  • ýumşatma
  • ýumşatmaga
  • ýumşatmagy
  • ýumşatmagyň
  • ýumşatmak
  • ýumşatmakda
  • ýumşatmakdan
  • ýumşatmaklyga
  • ýumşatmaly
  • ýumşatmalydyr
  • ýumşatmana
  • ýumşatmasyn
  • ýumşatmazdan
  • ýumşatsa-da