ýalaňaç ýa‧la‧ňaç

Egni geýimsiz, geýim geýinmedik, eşiksiz, julsuz, aýakgapsyz.

• «Ýalaňajy ursaň, possunly gorkar» diýen ýaly, gamçynyň şyrpyldysyna ýaş ýigit tisginip gitdi. (G. Kulyýew, Köpetdagyň aňyrsynda)

• Onuň ýalaňaç aýagy ýabyň çägesöw çygly raýyşyna barypdyr. (B. Kerbabaýew, Aýsoltan)

• Iki sany göz monjugy ýaly çagaň bar, olaryň aýagy ýalaňaç, başlary açyk. (A. Durdyýew, Saýlanan eserler)

• Ýalaňaç suwdan gaýtmaz. (nakyl)

Gapsyz, gynsyz.

• Gulluhanyň ýalaňaç sapançasyny Artyk gaňryp alyp, ýeňsesine düwündirmekçi bolanda, ony hem tutdular. (B. Kerbabaýew, Aýgytly ädim)

• Ýalaňaç gylyçly atlylar köçäni dolduryp durdular. (B. Kerbabaýew, Aýgytly ädim)

• Onuň bileginden asylgy ýalaňaç pyçagy şol wagt bat alyp bulandy. (A. Gowşudow, Mähri-Wepa)

Düşek ýazylmadyk, düşeksiz.

• Ýalaňaç tagtanyň üstüde oturan komissar maňlaýyny iki eliniň aýasyna alyp, çuňnur oýa çümdi. (B. Kerbabaýew, Aýgytly ädim)

Pürsüz, ýapraksyz.

• Giň köçeleriň trotuarlaryna giňleýin ýalaňaç galanlary üçin örän selçeň hem ejiz görünýärdiler. («Sowet edebiýaty» žurnaly)

• Sowuk şemal öwüsýärdi, ýapraksyz ýalaňaç agaçlar şowlap seslenýärdi. (A. Gowşudow, Powestler we hekaýalar)

Göçme manyda Garyp, zatsyz.