Ölçegini kesgitlemek, agramyny, uzynlygyny we s. m. bilmek, kesgitlemek, çekmek.
Onuň agramyny ölçemäge şu älemiň daglarynyň başlary-da ýetmejek ýalydy. (A. Gowşudow, Powestler we hekaýalar)
Tehnik çeşmäniň çuňlugyny ölçedi. («Pioner» žurnaly)
Göçme manyda Bir zat barada pikirlenip, aýlanyp görmek.
Ölçäp, biçip, belki-de meni suda bererler. («Sowet edebiýaty» žurnaly)
Ýedi ölçäp, bir kes. (nakyl)