çekilmek işlik

Dartylmak, çekdirilmek.

• Tamdyranyň kirşi çekildi.

Bir zat bir ýerden ikinji ýere eltilmek, äkidilmek, süýşürilmek, daşalmak.

• Köçäniň daşlary çekildi.

• Ýandak küdeleriniň hemmesi çekildi.

Ölçelip goýulmak, ölçelmek.

• Üç kilo üzüm çekildi.

Sogrulmak, çykarylmak.

• Agyryly dişler çekilip aýrylýar.

Geçirilmek, salnyp eltilmek.

• Şäherden zawoda çenli tramwaý ýollary çekildi. («Mydam taýýar» gazeti)

Içiňe sorulmak (çilim we ş. m. hakda).

• Dynuwsyz çekilen mahorka tütüni wagonyň içinde ysgynsyz tüweleý ýaly aýlanýar. (B. Kerbabaýew, Aýgytly ädim)

El bilen süýlüp alynmak süýülmek (ýüpek hakda).

• Ýüpek çekilip gutaryldy.

Syratmak, tikilmek (ýorgan hakynda).

• Täze ýorgan çekilipdir.

Ýapylmak, baglanmak.

Örtülmek, ýazylmak, tutulmak.

• Pola gök mawut çekilipdir, haly bary ýazylypdyr. (A. S. Puşkin, Saýlanan eserler)

Yza gitmek, gaýra süýşmek, serpikmek.

• Tiz boluň çekileliň! («Türkmen pýesalary»)

Akmagy togtamak, azalmak, peselmek.

• Guýynyň suwy çekilipdir.

Üwemek.

• Degirmene getirilen däneler çekildi.

Bir zadyň daşyna sim we ş. m. aýlanylmak.

Bir zadyň şekili kagyz ýüzüne geçirilmek.

Göçme manyda Horlanmak, inçelmek.

• Onuň eti çekilen çekgeleriniň üstünden almaz ýaly ýaş damjalary biygtyýar damjalaýardy. (B. Gurbanow, Duşuşyk)