Çilim we ş. m. bir zady otlamak, ot almak üçin ýörite ýasalan enjam, gural.

• Ak guşagyna-da däri gutusyny, serkejini, çakmagyny dakyşdyrdy. (A. Gowşudow, Mähri-Wepa)

Ot açýan ýaragyň, peşeňiň misini ýarmak üçin gerek bolan bölegi.

• Tüpeňiň çakmagyny birnäçe öwran urdurdy. (N. Saryhanow, Saýlanan eserler)

• Durup bilmän Baýly çakmagyn gysdy, Ýaňky soldat baryp agajy süsdi. (Çary Aşyr, Poemalar)

Iňňesini sokmak, dişlemek (ýylan, ary, içýan we ş. m. hakynda).

• Eger Çary Kadyry ýylan çakan bolsa ýa-da möý sokan bolsa, olaryň awusy bu sözleriň awusy ýaly bolmazdy. («Sowet edebiýaty» žurnaly)

• Ýylan çakan kendirden gorkar. (nakyl)

Bir zady ikinji bir zadyň ýüzüne sürtmek, sürtüp ýakmak.

• Hoşgeldi otluçöp çakyp, onuň ýüzüni gaýtalap synlady. (A. Gowşudow, Köpetdagyň eteginde)

Döwüp ýa-da ýaryp, içindäkini aldyrmak.

• Olar ýumurtga çakyp, heýgenek bişirdiler.

Göçme manyda Birine bir zady şugulçylyk edip aýtmak.

• Ol gele-gelmäne oňa bir zat çakdy.