çöp at

  1. Otlaryň, agaçlaryň guran baldagy.

    • Ol eline çöp alyp, ýeri dyrmamaga oturdy. (A. Durdyýew, Saýlanan eserler)

    • Kişmiş iýseň, çöpi bar. (nakyl)

  2. Odun, ýangyç.

    • Biziň külbämizde tutaşdyrlyk hem gury çöp ýokdur. (Myraly)

  3. Göçme manyda Ot, ösümlik.

    • Ozal bu aňňatda ýekeje-de gögerip oturan çöp ýokdy. (B. Kerbabaýew, Aýsoltan)

Ýazuw düzgüni

Menlik ýöňkemaniň -üm, -ümiz, senlik ýöňkemäniň -üň, -üňiz goşulmalary goşulýar.

Meselem çöp - çöpüm, çöpüň.

çöp döwlen ýaly bolmak

seret döwülmek

  • Sen ýöne Hümmet bilen arany çöp döwlen ýaly eden-ä bolma?! (A. Gowşudow, Eserler)

göze çöp atmak

seret göz

  • Ol eýýäm gözümize çöp atyp sypypdyr.

ýatan çöpi galdyrmazlyk

Iş etmezlik, zähmet çekmezlik, işlemezlik.

  • Öz öýünde ýatan çöpi galdyranok. («Tokmak» žurnaly)